«2689 sanlı qanun leyhası soyqırım (genotsid) cinayeti, insaniyetke qarşı cinayet, cenk cinayeti, tecavüz cinayeti kibi eñ ciddiy halqara cinayetlernen bağlı olaraq ve halqara standartlarğa riayet etip Ukraina Ceza kodeksine müim deñişmeler kirsetmektedir. 2689 sanlı qanun leyhası mütenasip cenk cinayetleri cedvelini içine alğanı ve niayet Ukraina Ceza qanunında insaniyetke qarşı cinaeyetler aqqında maddeni pekitkeni pek müimdir. Bu qanun leyhası Qırım MC, Aqyar şeeri, Donetsk ve Lugansk vilâyetleriniñ vaqtınca işğal etilgen topraqlarında cenk cinayetlerini ve insaniyetke qarşı cinayetlerini yapqan şahıslarnıñ cezalanması içün Baş prokuror Ofisini, Qırım Muhtar Cumhuriyeti ve Aqyar şeeri Prokuraturasını mütenasip vastalarnen temin etecektir», – dep izaatlay Daimiy Temsilci Anton Korınevıç.
Daimiy Temsilci Anton Korınevıç ”Halqara ceza ve insaniy uquqnıñ amelge keçirilmesinen bağlı bazı qanuniy senetlerge deñişmelerniñ kirsetilüvine dair” 2689 sanlı qanun leyhasını azırlağan müellifler taqımınıñ azasıdır.
2689 qanun leyhası Ukraina halq deputatları, uquq qorçalav organları, aq qorçalav cemaat teşkilâtlarınıñ vekilleri, halqara ve milliy uquq boyunca mütehassısları arasındaki işbirlikniñ bir neticesidir.