Milliy bayraqlar daima halqlarnıñ ve milletlerniñ birdemligini temsil ete, bu bayraqlar altında nesiller öz topraqları, devletleri, halqları ve aqları üçün küreşe ediler…

Qırımtatar bayrağı em qırımtatar halqını, em de qırımtatarlarnıñ Vatanları oğrunda küreşlerini temsil etmektedir.

Bugünde-bugün milliy bayraq Ukraina tamır halqınıñ sarsılmaz ruhunı temsil etmektedir. Qırımtatar bayrağı tışqı tecavuzğa ve ayrımcılıqqa qarşı qırımtatarlarnıñ zorbalıqsız küreşi aqqında, ayat berici küçü aqqında ve tınç ve bahtlı kelecegi olacağına inanğanı aqqında bütün dünyağa hatırlatmaqtadır.

Bugünde-bugün, qırımtatarlarnıñ tarihiy Vatanı vaqtınca Rusiye Federatsiyası tarafından işğal etilgen arada, qırımtatar bayrağı tek qırımtatar halqını temsil etmeknen etinmey, aynı vaqıtta o, işğalci akimiyet tarafından basqı, taqip etüv, cezalav ve adaletsiz ükümler çıqaruv kibi areketlerge qarşılıq kösterüv timsali olaraq hızmet etmektedir.
Eminmiz ki, yaqın kelecekte qırımtatar milliy bayrağı Ukraina devlet bayrağı ile beraberlikte ukrain Qırımı üzerinde yelpireycektir.

Fotoresim Ukraina Prezidenti Ofisi