Bugün, avqustnıñ 18-de, Herson vilâyetiniñ devlet memuriyetinde yerli ve silâlı akimiyet idarelerine Ukraina Prezidentiniñ Qırım Muhtar Cumhuriyetindeki yañı Daimiy Temsilcisi taqdim etildi. Devlet idaresiniñ reis muavini Andriy Balon Ukraina Prezidentiniñ Fermanını oqup, toplaşuvda bulunğanlarğa resmiy şekilde Boris Babinni taqdim etti. «Bugün biz, şahsen tanışmaq ve yañı idareciniñ işine nasıl yardımcı olabilecegimizni belgilemek içün toplaştıq. Ukraina Prezidenti tarafından qoyulğan meseleleriniñ çezilmesinde Boris Volodimiroviçke qol tutmaq bizim boyun-borcumızdır», – dep qayd etti Andriy Balon.

Boris Babin öz nevbette aytqanına köre, tünevinki tayin merasiminde Petro Poroşenko avale etken vazifelerniñ arasında – Daimiy Temsilcilikniñ faaliyetini belgilemek, qırımtatar halqınıñ aq-uquqlarını qorçalavı saasında soñki zamanlarda yüz bergen menfiy içtimaiy tesirni yoq etmektir.

«Maña musafirçen Herson vilâyetiniñ akimiyeti ve uquq qorçalav organları ile semereli çalışmaq avale etildi», – dep ayttı Boris Babin. Oña böyle işanç bildirilgeni içün öz teşekkürini bildirdi ve ögüne qoyulğan vazifelerni eñ yüksek seviyede becermek maqsadınen ğayret ile çalışmağa vade etti. Toplaşuvnıñ soñunda Andriy Balon qarşılıqlı semereli işbirlik olacağına işanç bildirdi ve yañı tayin etilgen memurğa muvafaqiyetler tiledi. Qoşma malümat: Ukraina Prezidentiniñ №220/2017 Fermanı ile, avgust 17 künü 2017 senesi Ukraina Prezidentiniñ Qırım Muhtar Cumhuriyetindeki yañı Daimiy Temsilcisi olaraq Boris Volodimiroviç Babin tayinlendi.