2018 senesi çiçek ayı (aprel) 18 künü Ukraina Prezidentiniñ Qırım MC Daimiy Temsilcisi Borıs Babin, onıñ Birinci muavini İzet Gdanov, Temsilcilikte halqara alâqalar ve uquqiy talil hızmetleriniñ vekilleri Ukraina Yuqarı Şurasınıñ İnsan aqları boyunca Vekâletlisi Lüdmila Denisova ve Vekâletli Kâtibiyetiniñ hadimleri ile körüştiler.

İş körüşüvi esnasında bir sıra gumanitar, tasil, saylav, içtimaiy-iqtisadiy meseleler ve Qırımda yaşağan Ukraina vatandaşlarına memuriy hızmetlerniñ berilüvi muzakere etildi.

Borıs Babin Temsilcilikniñ kündelik faaiyeti, bu cümleden, Qırımda yaşağan Ukraina vatandaşlarına ve siyasiy mabüslerniñ qoranta azalarına pasport vesiqalarınıñ resmiyleştirilüvinde yardım, Qırımğa yaqın olğan rayonlarda Memuriy hızmet merkezlerniñ teşkil etilüvi ve donatıluvı, Vadim stantsiyasına qadar demiryol vastasınen naqliyat ve KÇNN qadar qanuniy avtomobil taşımalarnıñ yoqluğı aqqında ikâye etti.

Birinci muavin İzet Gdanov qıta Ukrainada maküm etilgen qırım mabuslarınıñ pasport meseleleri, KÇNN-dan keçüv ve olarnı abadanlaştıruv, Qırımdan memleket içinde köçken şahıslarnı tıbbiy yardımnen ve mesken ile temin etüv kibi ameldeki qanuniyette qayd etilmegen meselelerni tarif etti.

İş körüşüvniñ neticeleri olaraq Vekâletli ve Temsilcilik arasında vaqtınca işğal etilgen Qırımğa yaqın olğan rayonlarda kelecekte işbirlik şekili belgilendi.