2018 senesi saban ayı (mart) 28 künü Ukraina Prezidentiniñ Qırım MC Daimiy Temsilcisi Borıs Babin ve Temsilcilikte halqara alâqalar hızmetiniñ baş mesleatçısı Valeriya Pahomova Ukrainada Avropa Birligi Temsilciliginiñ yolbaşçısı Hüg Mingarelli ve Temsilcilikniñ hadimleri ile körüşüv keçirdiler. Körüşüv devamında bir sıra gumanitar meseleler, vaqtınca işğal etilgen Qırımdan kelip ketken ya da köçken Ukraina vatandaşlarına memuriy hızmetlerniñ berilüvi ve memleket içinde mecburen köçken şahıslar içün tasil programmaları muzakere etildi.

Borıs Babin Herson vilâyetiniñ Qırımğa yaqın olğan mesken yerlerinde Memuriy hızmet merkezleriniñ teşkil etilüvi ve donatıluvı, Qırımdan memleket içinde mecburen köçken şahıslarnıñ mesken meselelerniñ çezilüvinen bağlı olğan Temsilcilikniñ faaliyeti aqqında ikâye etti. Vernadskiy adına Tavriya milliy universitetinde Qırım sakinleri içün semereli oquv ceryanını inkişaf etmek, olarnı kelecek kiriş kampaniyası aqqında haberdar etmek kerek olğanı qayd etildi. ‘‘Qalançaq’’ ve ‘‘Çonğar’’ KÇNN-nı minimal seviyede abanlaştırmaq kerek olğanına diqqat çekildi. Bundan da ğayrı, temel qırımtatar halqınıñ aqlarına Ukrainanıñ terkibinde qanuniy seviyede riayet etüv muzakere etildi. Qırımdan memleket içinde mecburen köçken şahsılar içün Herson şeeriniñ içtimaiy yataqhanelerinde şaraitler yaratuvına qol tutqan leyhalar içün Ukrainada Avropa Birligi Temsilciligine teşekkür bildirildi.