2018 senesi saban ayınıñ (mart) 15 künü Ukraina Prezidentiniñ Qırım MC Daimiy Temsilcisi Borıs Babin ve Temsilcilikniñ halqara alâqalar hızmetiniñ baş mesleatçısı Büyük Britaniya Elçihanesiniñ hadimleri ile körüştiler. Körüşüv devamında taraflar Qırım sakinlerine tasil hızmetlerniñ, tıbbiy yardımnıñ ve pasportlaşmanen bağlı memuriy hızmetlerniñ berilüvinde keyfiyetiniñ arttırılması, Qırımdan memleket içinde mecburen köçken şahıslarnıñ inkişafı kibi meselelerni muzakere ettiler.

Borıs Babin britaniyalı diplomatlarğa Herson vilâyetiniñ Qırımğa yaqın olğan mesken yerlerinde Memuriy hızmet merkezleriniñ teşkil etilüvi ve donatıluvı aqqında ikâye etti. Avropa Şurasınıñ Nazirler Komiteti tarafından kiçik ay (fevral) 21 künü qabul etilgen Ukraina içün kelecek yıllarğa Areket planınıñ yerine ketirilüvi ve Avropa Şurasınıñ yañı leyhası çerçivesinde bu Planğa vaqtınca işğal etilgen Qırımdan memleket içinde köçken şahıslarnıñ qorçalavı meselesiniñ kirsetilüvi muzakere etildi.

Taraflar ameldeki qanuniyetke vaqtınca işğal etilgen Qırım ealisiniñ qorçalavı boyunca teklif etilgen deñişmelernen bağlı olğan Temsilcilikniñ  adımlarını muzakere ettiler. Britaniyalı diplomatlarğa Qırım mevzusında ekspert araştıruvlarınen bağlı bir sıra leyhalarğa ve qırımlı cemaat faalcilerne qol tutqanları içün teşekkür bildirildi. Körüşüvniñ soñunda taraflar kelecekteki işbirlik şekilleri aqqında añlaştılar