2018 senesi boş ay (noyabr) 22 künü Ukraina Prezidentiniñ Qırım MC Daimiy Temsilcisi Borıs Babin Ukrainada İtaliya Cumhuriyetiniñ Fevqulâde ve Vekâletli Elçisi David bey La Çeiçilia ile iş körüşüvini keçirdi.

Körüşüv esnasında Borıs Babin Ukrainanıñ egemenligine ve topraq bütünligine qol tutuv ve Qırımda insan aqları meselesi boyunca BMT Baş Assambleyasınıñ qabul olunğan rezölütsiya leyhası içün öz minnetdarlığını bildirdi.

Daimiy Temsilci ve İtaliya Cumhuriyetiniñ Elçisi İtaliya vatandaşları tarafından vaqtınca işğal etilgen Qırım toprağını ziyaret etüv meselesini ve Qırımnı ilhaq etmek teşebbüsini çetel devletlerge ve halqara teşkilâtlarğa qabul ettirmek maqsadınen istilâcı devlet keçirgen çoqtan-çoq tedbirlerni, işğalci devlet tarafından muntazam şekilde halqara gumanitar uquqnıñ bozuluvını ve sanktsion siyasetine semereli şekilde riayet etüvni muzakere ettiler. Qırımlılar içün halqara tehnikiy yardımnı ayırmağa kerek olğanı körüşüvde ayrıca qayd etildi.

Qırımdan memleket içinde köçken şahıslarğa zarur tölevler, bu cümleden, pensiya meselesine, Ukrainada kelecek prezident ve parlament saylavlarında qırımlılarnıñ saylav aqlarına riayet etüvge ayrıca diqqat etildi.