Saban ayınıñ 9-da, Taras Şevçenkonıñ abidesi yanında ukrainalı Qırım ile er yıllıq birdemlik tedbiri keçirildi. Tedbir esnasında onıñ teşkilâtçıları yañı bir teşebbüsni ilân ettiler – Qırımda yaşağan Ukraina vatandaşlarına qol tutuv olaraq kitaplar cıyılacaq.
Ukrainalı Qırımğa qol tutmaq istegen adamlar tarafından yollanılğan ukrain müelliflerniñ ukrain tilinde yazılğan kitapları ya da qırımtatar kitapları Qırım ile memuriy sıñırdaki ukrain KÇNN-da yerleştirilecektir. Memuriy sıñırnı keçken Qırım sakinleri işğal etilgen yarımadada tapılması qıyın olğan kitaplarnı oqup olurlar.
Qırım sakinlerine ukrain ya da qırımtatar tilinde yazılğan kitaplarnı bağışlamağa isteseñiz, lütfen, olarnı 2021 senesi saban ayınıñ 31-nece yollañız.
Bu maqsad ile ”Nova Poşta” hızmeti vastasınen kitaplarnı aşağıdaki şahıslarğa yollañız:
- Kıyiv şeeri, ”NP” hızmetiniñ 75-nci bölügi, Qırım_SOS teşkilâtı, tel:+38 063 709 69 67
- Kıyiv şeeri, ”NP” hızmetiniñ 312-nci bölügi, Volodımır Çekrıgin, tel:+38 099 358 1225
Lütfen, kitaplar olarnı bağışlağan adamnıñ esabına yollanılacağına diqqat etiñiz. Sualleriñiznen ve izaatlarıñıznen, lütfen, aşağıdaki telefonlar vastasınen teşkilâtçılarğa muracaat etiñiz:
Denıs Savçenko, tel.: +38 093 838 75 87
Volodımır Çekrıgin, tel:+38 099 358 1225.