2018 senesi saban ayı (mart) 28 künü Ukraina Prezidentiniñ Qırım MC Temsilciliginde uquqiy talil hızmetiniñ baş mesleatçısı Ruslan Seydametov Vaqtınca işğal etilgen topraqlar ve devlet içinde köçken şahıslar meseleleri boyunca Ukraina nazirligi negizinde teşkil etigen iş gruppanıñ ‘‘Ukrainanıñ vaqtınca işğal etilgen topraqlarında ölüm ve doğuv adiseleriniñ qolaylaştırıluvı’’ mevzusında oturışında iştirak etti.

Oturış devamında Ukraina insan aqları Helsinki (UİAHB) birligi azalarınıñ Ukrainanıñ vaqtınca işğal etilgen topraqlarında ölüm ve doğuv adiselerini yalıñız memuriy сeryanını mütenasip vatandaşlıq alı vesiqalarınıñ resmiyleştirüvi içün qullanmaq, bu cümleden işğalci akimiyet bergen sözde ‘‘vesiqalarnı’’ Ukraina devlet akmiyet organları tarafından tanımaq teklifi muzakere etildi. ‘‘Donbass SOS’’ cemaat teşkilâtınıñ vekilli memuriy ceryannıñ qabul etilüvi boyunca Ukraina insan aqları Helsinki birliginen aynı fikirde edi.

Yalıñız memuriy ceryanını qabul etmek teklifine devlet akimiyetinde çalışqan iş gruppasınıñ bazı azaları da qol tuttı. Oturış devamında vaqtınca işğal etilgen Qırım yarımadasında berilgen sözde ‘‘doğuv ve ölüv aqqında şeadetnameleriniñ’’ ukrain devlet organları tarafından qabul etilüvi ve olarnıñ esasında Vatandaşlıq alı aktlarınıñ Devlet cedveline kirsetilüvine qarşılıq köstergen Temsilcilikniñ noqtaiy-nazarı da beyan etildi. Böyle vaziyet ‘‘Ukrainanıñ vaqtınca işğal etilgen topraqlarında uquqiy tertip ve vatandaşlarnıñ aqalrına ve serbestliklerine riayet etüv’’ Ukraina qanunınıñ 9 maddesine zıt kele ve asılında Ukraina akimiyet organları tarafından Qırım yarımadasında Rusiye egemenliginiñ tanılmasına doğru atılğan birinci adım ola bile.

Qanunsız akimiyet organları tarafından vatandaşlarğa berilgen ‘‘Doğuv ve ölüm aqqında şeadetnameler’’ uquqiy ceetten faydasızdır ve halqara makeme tecribesini, yani BMT Halqara makemesini diqqatqa alaraq, olarnı adliy ükümleri olğan vesiqalar kibi degil de, yalıñız işğal etilgen topraqlarda doğuv ya da ölüm adiselerniñ tasdığı olaraq makemeler tarafından qabul etilmesi mümkündir. Bügünde-bügün vaqtınca işğal etilgen topraqlarda yüz bergen doğuv ve ölümleriniñ tolu cedveli Ukraina Adliye nazirliginde olmağan arada vatandaşlıq alını qayd etüv organlarına böyle ‘‘şeadetnamelerni’’ qabul