Qırım Muhtar Cumhuriyeti ve Aqyar şeeri Prokuraturası ile Baş prokuror Ofisi faal işbirlikleri neticesinde ”Ukrainskiy vıbir” cemaat areketi 3 teşebbüs gruppasınıñ reberine vaqtınca işğal etilgen Qırım Muhtar Cumhuriyeti ve Aqyar şeeri topraqlarında qanunsız ”referendumnı” teşkil etüv ve keçirüvde iştirak etkenleri içün devlet hainliginde ve Ukrainanıñ topraq bütünligine ve toqunmamazlığına suiqast etkenlerinde qabaatlandı.

Ukraina Havfsızlıq Hızmeti ”Ukrainskiy vıbir” cemaat teşkilâtı azalarınıñ areketleri boyunca mahkemeden evelki taqiqatnı devam ete. 

2016 senesinece adı ”Ukrainskiy vıbir” olğan ”Ukrainskiy vıbir – Pravo narodu” Bütünukrain cemaat areketiniñ vekilleri Qırım yarımadasınıñ işğal etilmesine hızmet etti.

Şeklengenler arasından eki kişi ”Samooborona Sevastopolâ” adlı qanunsız silâlı teşkilâtnıñ azaları olaraq qanunsız emirlerni yerine ketirgen ve Qırım topraqlarında qanunsız ”referendumnı” teşkil etüv ve keçirüvde iştirak etkenler. 

”Ukrainskiy vıbir” cemaat areketiniñ Aqyarda faaliyet köstergen ayrı bölüginiñ daa bir reberi Qırım yarımadasınıñ Rusiye Federatsiyası tarafından işğal etilüvine ve qanunsız ”referendumnıñ keçirilüvine qol tutuv mitinglerde iştirak etip, Ukrainanıñ topraq bütünligini bozmağa ve devlet sıñırlarını deñiştirmege çağırğan edi. 

Mahsus tehnika ve mahkeme ekspertizaları boyunca Ukraina ilmiy-tedqiqat institutı tarafından keçirilgen mahkeme-lingvistik ve metin ekspertizasınıñ neticeleri cinaiy areketler yapılğanını tasdıqladı.

Bundan ğayrı, añığan adiselerden soñ şeklengen şahıslar ”Qırımnı qaytaruv içün” Rusiye medallerinen taqdirlengen edi.

#CrimeaIsUkraine #QırımUkrainadır#Qırım #StopRussianAggression