10 октябрь 2016 сенеси Херсонда Къырым Мухтар Джумхуриетинде Украина Президентининъ Даимий Векили Наталия Попович Украинада инсан укъукълары боюнджа ООН Незарет Мисиясынынъ реиси Фиона Фрейзернен корюшти.

Корюшюв маалинде тарафлар вакътынджа ишгъаль этильген Къырым Мухтир Джумхуриети ве Акъяр шеэри территорияларында ватандашларнынъ эсасий укъукъ ве азатларынынъ къануний бозулув умумий вазиети акъкъында лаф юрсеттилер ве Къырымда инсан укъукълары бузулув вазиетининъ инкишафына тесир эткен негатив мейиллерге дикъкъатыны джельп эттилер.

Айрыджа, наталия Попович Киев Патриархатнынъ Украин Ортодокс Кильсесининъ Къырым епархиясы иманларынынъ вакътынджа ишгъаль олунгъан шартларда расткельген проблемлерни къайд этти.

Эм де, корюшюв кетишатында, Фиона Фрейзер вакътынджа ишгъаль этильген Къырым ярымада территориясында яшагъан я да Украинанынъ къыта тарафына кочькен Украина гражданларына нисбетен, Конституция ве Украина къанунлары, халкъара анълашмаларынен назаргъа алынгъан инсан ве гражданларнынъ укъукъ ве азатларыны  риает этюв хызметинде истидат эткен, Кърым Мухтар Джумхуриетинде Украина Президентининъ Векялетханесининъ иш ёнелишлеринен таныш олды.