‘‘Ukrenergo’’ halq öğündeki aktsioner cemiyetiniñ reisi vazifesini vaqtınca becergen Vsevolod Kovalçuk bildirgenine köre, bir qaç kün evelsi ‘‘Ukrenergo’’ işğalci devletniñ vekâletli şahıslarına şirketniñ Qırımdaki mülkiyeti boyunca yatırım davası açılğanı aqqında resmiy yazılı bildirüvini taqdim etti.

‘‘Ukrenergo’’ halq öğündeki aktsioner cemiyetini bu işte «Naftogaz Ukrainı» milliy aktsioner şirketine buña benzer davada yardım etken ve Ukrainağa RF-na qarşı devletara makeme davalarda adliy hızmetlerni bergen «Covington & Burling LLP» halqara adliye şirketniñ adliyecileri temsil etecekler. Ukrenergo’’ halq öğündeki aktsioner cemiyeti berim (sentâbr) ayınıñ soñuna qadar bu davanı barışıq yolunen çezemese, şirket, «Naftogaz Ukrainı» milliy aktsioner şirketi kibi, Halqara arbitrajda Rusiyege qarşı dava aça bile. Bu dava ‘‘Ukrenergo’’ halq öğündeki aktsioner cemiyetiniñ yalıñız yarımadada ğayp etken mülkiyeti içün degil, bu ğayıplarnıñ sebebinden almağan qazançlarınen de bağlı olacaq, çünki ‘‘Ukrenergo’’ elektrik ağınıñ fiyatı 1 milliard dollar civarındadır, mülkiyetini biñlerce elektrik ağlar, onlarca elektrik şübeler, şirketniñ hadimleri içün eki pansionat ve bir çoq başqa şeyler teşkil ete.