Ukrayna vatandaşlarınıñ vaqtınca işğal etilgen Qırım MC ve Aqyar şeerine kirişi/çıqışı olarnıñ insaniy ihtiyaçları esasında ve Vaqtınca işğal etilgen topraqlarnı ğayrıdan integratsiya etüv meseleleri boyunca Ukraina nazirligini haberdar etken Ukraina devlet sıñır hızmetiniñ qararına binaen mümkün ola bilir.

Saban (mart) ayı 18 künü Ükümet öz oturışında Ukraina Nazirler Şurası 14.03.2020 qabul etken «Ukraina topraqlarında SARS-CoV-2 koronavirus sebebinden yüz bergen COVİD-19 keskin respirator virus hastalığınıñ darqaluvına qarşılıq kösterüv maqsadınen vaqtınca işğal etilgen Qırım Muhtar Cumhuriyeti ve Aqyar şeeri ile memuriy sıñırdaki kiriş-çıqış nezaret noqtalarınıñ faaliyetini toqtatuv aqqında» 291-р sanlı qararına mütenasip deñişmelerni kirsetüv aqqında qarar aldı.

Temsilcilik Ükümetimizniñ Ukraina topraqlarında COVİD-19 keskin respirator virus hastalığınıñ darqaluvına qarşılıq kösterüvnen bağlı olğan areketlerine qol tuta. Bu qararlar acele olğanını añlaymız, amma olar vatandaşlarımıznıñ aqlarını sıñırlamamalıdır.

Onıñ içün memuriy sıñırdan keçüvniñ sıñırlanmasına şikâyet etken vatandaşlarnıñ muracaatlarını cıymağa devam etip, olarnı Nazirler Şurasına yiberemiz. Fikirimizce, böyle sıñırlavlar memleket içinde köçken şahıslarğa ve Qırımda yaşağan, amma anda resmiy şekilde qayd etilmegen vatandaşlarğa toqunmamalıdır.

Bu künlerde vatandaşlarımızğa qol tutmaq ve olarnıñ qorçalanmaları ve havfsızlıqta bulunmaları içün qolumızdan kelgenini yapmaq kerekmiz.