2018 senesi arman ayı (august) 22 künü Ukraina Prezidentiniñ Qırım MC Daimiy Temsilcisi Borıs Babin ve Temsilcilikniñ hadimleri yerli şuralarnıñ deputatları, Geniçesk rayonından ve Qırımdan ATO iştirakçileri teşkilâtı, cemaat faalcileri, jurnalistler, vekâletli organlarnıñ hadimleri ile beraber ‘‘Çongar’’ KÇNN-da Ukraina Devlet Bayrağı Künü ve Ukraina Mustaqillik Künü munasebeti ile tantanalı tedbirlerni keçirdiler.

Faalciler vaqtınca işğal etilgen Qırımdan kelgen, ya da işğal etilgen yarımadağa mecburen ketken vatandaşlarğa, işğalciler tarafından olarnıñ aq-uquqları bozulğan alda areketleriniñ tertibini añlatqan hatırlatmalarnı (yol haritalarnı) taqdim ettiler ve olarnı bu mevzuda tenbilediler. Daimiy Temsilci, KÇNN-ğace qanuniy yolcu naqliyatı teşkil etilmegeni sebebinden onıñ etrafları yaramay alda olğanını kene de şahsen qayd etti. Bunıñ neticesinde er kün yüzlernen adam bu saada qanunsız alda çalışqan şahıslarnıñ hızmetlerinen qullanmağa mecbur qala.