2018 senesi çiçek ayı (aprel) 18 künü Temsilcilikniñ halqara alâqalar ve uquqiy talil hızmetleriniñ vekilleri tarihçi Sergiy Gromenkonıñ ‘‘Unutılğan ğalebe. Petro Bolboçannıñ 1918 senesi Qırım ameliyatı’’ yañı kitabınıñ taqdiminde iştirak ettiler.

Tedbirde Milliy hatıra Ukrain institutınıñ başlığı Volodımır Vyatrovıç; tarihçi, yazıcı, qırım gumanitar mevzusından mütehassıs Sergiy Gromenko; tarihçi, içtimaiyatçı, oca, yazıcı, bloger Kırılo Galuşko, matbuat vastalarnıñ vekilleri, Milliy hatıra Ukrain institutınıñ hadimleri de iştirak ettiler.

Taqdim etilgen kitap Ukrain Halq Cumhuriyeti Qırım yarımadası üzerinde nezaretni qaytarmaq, onı bundan evel akimiyetni zapt etip, bütün demokratik müessiselerni yoq etken rusiye bolşevik nizamından azat etmek maqsadınen 1918 senesi çiçek ayında alıp barğan faaliyetine bağışlanğan. Taqdim etilgen kitapta 1917 senesi saban ayı -1918 senesi çiçek ayı ‘‘qırım meselesine’’ dünya seviyesinde qıymet kesüv, taraflarnıñ küçleri ve niyetleri, yarımadada cenkâver areketlerniñ ketişatı aydınlatıldı.