Fevralniñ 2-nden Ukrayinada vaqtınca işğal etilgen topraqlardan, şu cümleden Qırımdan kelgen yaşlar içün Ukrayina aliy oquv yurtlarına kiriş içün azırlanuv programması çalışıp başladı.

“Qış kirişi” – bu, vaqtınca işğal etilgen topraqlardan ya da cebe bölgelerinden köçip kelgen, ukrayin aliy oquv yurtlarında oqumaq içün yardımğa ve uyğunlaşuvğa muhtac olğan yaşlar içün yaratılğan devlet oqutuv programmasıdır.

Programma birinci kursqa kirmezden evel azırlıq bölüginde (sıfır kurs) oquvnı közde tutmaqta. O, üç aydan altı ayğace devam ete ve böyle meselelerde yardım ete:

• NMT ya da kiriş imtianlarına azırlanuv;
• cenk neticesinde alınmağan bilgilerni aluv;
• pek yük olmadan ögrenüv ritmine kirüv;
• oquştan evel universitet müitinen tanış oluv;
• akademik, psihologik ve meslekiy yolbaşçılıq destegini aluv.

Programmanı bitirgen soñ, iştirakçiler ögrenilgen fenlerniñ cedveli olğan resmiy elektron oquv sertifikatı alalar. Aynı şu sene mahsus yardımnen mütehassıslıqlar boyunca oquğan universitetke kirgen azırlıq bölüginiñ mezunları öz yarış ballına qoşma 15 ball qazanalar.

Для молоді з тимчасово окупованих територій також передбачена можливість вступу до університетів без НМТ за квотою-2 — на бюджетні або регіональні місця.

Vaqtınca işğal etilgen topraqlardan kelgen yaşlar içün kvota-2 boyunca bücet ya da regional yerler içün NMT-siz universitetlerge kirme imkânı da bar.

İstegen oquv yurtunıñ saytındaki “Qışlıq qabul” bölüginde muracaat ete bilesiñiz. İştirak etken universitetlerniñ cedvelini bağlantı üzerinden tapmaq mümkün: https://linktr.ee/vstup_tot