Bugün Ukraina Nazirler Şurası ”Vaqtıca işğal etilgen Donetsk ve Lugansk vilâyetleri, Qırım Muhtar Cumhuriyeti ve Aqyar şeeri topraqlarında yaşağan gençlerni ğayrıdan integratsiya etüvni temin etüv” bücet programmasını qabul etti, böyleliknen 130 million grıvnâ aşağıdaki maqsatlarğa hızmet etecek:

✔️ gençlerni devlet aliy oquv yurtlarındaki kiriş imtianlarına bedava şekilde azırlaycaq kurslarnı azırlav, temin etüv ve keçirüv;
✔️ gençlerni şahsiyet ve vatanperver olaraq inkişaf ettirecek leyhalarnı ve tedbirlerni amelge keçirüv;
✔️ Ukraina tamır halqlarınıñ medeniy asabalığını, medeniy qıymetlerini, tarihını, tillerini, edebiyatlarını, farqlı sanat çeşitlerini qorçalaycaq, tedqiq etecek, inkişaf ettirecek ve rağbetleştirecek leyhalarnı teşkil etüv ve amelge keçirüv;
✔️ gençlerniñ integratsiya etilüvine hızmet etecek informatsion, kommunikatsion leylaharnı teşkil etüv ve keçirüv, medeniy-sanat, spotiv ve başqa tedbirlerni, şu cümleden festivallerni, yarışlarnı yerine ketirüv;
✔️ gençlerni havfsız şekilde ğayrıdan integratsiya etmek maqsadınen, ukrain ve halqara mesleatçılarını davet etip, tögerek masa toplaşuvlarını, konferentsiyalarnı teşkil etip ötkerüv.

İşbu bücet programmasını amelge keçirüv ğayrıdan integratsiya etüv ceryanını qolaylaştırır ve vaqtınca işğal etilgen topraqlarda yaşağan gençlerniñ ükümetimiz tarafından idare etilgen Ukraina topraqlarında inkişaf etmeleri içün imkânlar doğurır.

Maliyeniñ baş idarecisi olaraq Vaqtınca işğal etilgen topraqlarnı ğayrıdan integratsiya etüv meseleleri boyunca Ukraina nazirligi tayin etildi.

Tafsilâtlı malümat:https://cutt.ly/RvF1uOJ

Foto menbası: Ukrinform