Endiden başlap, balaları vaqtınca işğal etilgen Qırım Muhtar Cumhuriyeti ve Aqyar şeeri topraqlarında doğğan, özlerinde ise elektron imza olğan şahıslar doğuv aqqında ukrain şeadetnamesini elektron eMalâtko hızmeti vastasınen ala bileler.
Vaqtınca işğal etilgen topraqta doğğan, 18 yaşını toldurmağan ve doğuv aqqında ukrain şeadetnamesini almağan balalarnıñ ana-balaları eMalâtko hızmetinen faydalana bile. Başta Elektron mahkeme vastasınen balanıñ doğuvını tasdıqlamaq içün ariza yazmaq kereksiñiz: (https://id.court.gov.ua/).
Arizağa aşağıdaki vesiqalarnı qoşmalısıñız:
- balanıñ doğğanını tasdıqlağan vesiqalarnıñ kopiyaları: doğuv aqqında tıbbiy şeadetname ve/ya da tıbbiy malmat kâğıtları
- ana-babasınıñ pasport kopiyaları ve identifikatsion kodlarınıñ kopiyaları
- evlenüv aqqında şeadetnameniñ kopiyası (mevcüt olsa)
- balanıñ doğğanını tasdıqlağan başqa vesiqalar (mevcüt olsa)
Böyle dava çeşitleri mahkeme tölevlerinden azat etile. Elde etilgen mahkeme qararı ile ”Diya” portalında kompleks eMalâtko hızmetini almaq içün ariza yazılmalı.
Bu fursattan faydalanğan kişiler aşağıdaki hızmetlerni sımarlay bile:
- bergi töleyicisi nomerasını elde etüv;
- anası, babası, ya da ekisi de cedvelde qayd etilgen şahsiy unikal nomerağa saip ise, balalarına da cedvelde qayd etilgen şahsiy unikal nomera berilip, böyleliknen onıñ Ukraina vatandaşı olğanı tasdıqlana;
- bala doğğanı munasebetinen maddiy yardım;
- (anası ya da babası bu hızmet mevcüt olğan topraqlarda qayd etilgen olsa) balanıñ yaşağan yerini qayd etüv.
EMalâtkoğa berilgen ariza elektron şekilde imzalanmalı, doğuv aqqında şeadetnameni vatandaşlarnıñ grajdanlıq statusını resmiy qayd etüv bölüklerinde istegen vaqıtta ala bilirsiñiz. Bundan ğayrı, şeadetnamede qayd etilgen malümatlarnı ”Diya” uyğulamasındaki vesiqalarğa qoşmaq mümkün.
Ukraina dijital deñişüvler Nazirligine ve vaqtınca işğal etilgen topraqlarnı ğayrıdan integratsiya etüv meseleleri boyunca Ukraina Nazirligine umumiy faaliyet yürsetkenleri ve vaqtınca işğal etilgen topraqlarda yaşağan vatandaşlarımıznıñ hızmetine müim teşebbüslerni amelge keçirgenleri içün minnetdarlığımıznı bildiremiz.