Ukraina Naziler Şurası 2020 senesi ilk qış ayınıñ 9-da qabul etken «SARS-CoV-2 tacmarazı sebebinden COVİD-19 keskin respirator hastalığınıñ Ukraina topraqlarında darqaluvına qarşılıq kösterüv maqsadınen karantin tedbirini ilân etüv ve epidemiyağa qarşı sıñırlayıcı tedbirlerni amelge keçirüv aqqında” 1236 sanlı qararnamedeki 7 maddeniñ 4 bölügine binaen, vaqtınca işğal etilgen Qırım MC ve Aqyar şeeri topraqlarından, Lugansk ve Donetsk vilâyetleriniñ vaqtınca işğal etilgen ayrı rayonlarından kelip çıqqan şahıslar öz-öz-özüni etraf müitten ayırmalı, istisna olaraq COVID-19 hastası ile yaqın munasebette olmağan alda aşağıdaki şahıslar öz-öz-özüni etraf müitten ayıruvdan azat etile:

– 12 yaşını toldurmağan şahıslar;
– Ukrainada akkreditatsiyaları olğan resmiy halqara missiyalarnıñ ve teşkilâtlarnıñ hadimleri;
– tışqı mustaqil baalavda iştirak etecek şahıslar;
– devlet akimiyeti organlarınıñ vekâletleri tolu şekilde yerine ketirilgen topraqlarda yerleşken oquv yurtlarına kirmege niyetlengen şahıslar;
– devlet akimiyeti organlarınıñ vekâletleri tolu şekilde yerine ketirilgen topraqlarda yerleşken oquv yurtlarında oquğan şahıslar;
– bu bölükniñ dörtünci-altıncı cümlelerinde qayd etken şahıslarnıñ anası ya da babası (olarnı evlâtlıqqa alğan kişi), vasiyi, ya da başqa qanuniy temsilcilsi, ya da anası, babası (olarnı evlâtlıqqa alğan kişi), vasiy tarafından berilgen vekâletname esasında işbu şahıslarnıñ yanında bulunğan birisi;
– devlet akimiyeti organlarınıñ vekâletleri tolu şekilde yerine ketirilgen topraqlarda COVID-19 hastalığına qarşı aşılama almağa istegen ve yanında mahsus davetnamesi bulunğan Ukraina vatandaşları.

Sizlerni tasil ya da aşılama aluvğa dair yaratılğan imkânlarnen faal şekilde qullanmağa çağıramız ve diger Ukraina regionlarında öz-özüñizni etraf müitten ayırmayacağıñız aqqında bildiremiz.