Böyleliknen, 2021 senesiniñ qural ayında Ukraina medeniyet ve haber siyaseti Nazirligi Suriyedeki cenkte iştirak etken Rusiye arbiyleri aqqında Aqyarda çıqarılğan ”Nebo” (”Kök”) arbiy dramada ve ”Yalta yolu” adında sözde ”halqara muzıka festivalinde” iştirak etken üç Rusiye Federatsiyası vatandaşını ve eki Lehistan vatandaşını Milliy havfsızlığımıznı telükege oğratqan şahıslar cedveline kirsetti.
Ukraina havfsızlıq Hızmeti ise öz nevbette işbu yabancılarğa Ukraina topraqlarına kirişni üç yılğa yasaq etti.
Ukraina medeniyet ve haber siyaseti Nazirligi ve Ukraina havfsızlıq Hızmeti hususan Temsilcilikniñ mütenasip muracaatlarına da qıymet kesti.
Vaqtınca işğal etilgen Qırım Muhtar Cumhuriyeti ve Aqyar şeeri topraqlarını işğalden azat etüv ve ğayrıdan integratsiya etüvge dair Strategiyanı, Ukraina Prezidenti tarafından qoyulğan vazifelerni yerine ketirgen Temsilciligimiz vaqtınca işğal etilgen Qırım Muhtar Cumhuriyeti ve Aqyar şeeri topraqlarında qanunsız faaliyetnen bağlı adiselerni muntazam sürette nezaret ete ve vaqtınca işğal etilgen Qırımda işğalci memuriyetniñ vekilleri tarafından teşkil etilgen sözde ”halq diplomatiası”, ”medeniy propaganda” ve Ukraina qanunlarını bozğan başqa tedbirlerge mütenasip qıymet kese.