Vaqtınca işğal etilgen topraqlarda RF Esas qanunına kirsetilecek deñişmeler içün sözde ”rey berüvge” dair Ukraina Prezidentiniñ Qırım MC-deki Temsilciliginiñ beyanatı.

Rusiye Federatsiyasınıñ deñişmegen akimiyeti içün öz cinayetlerini referendumlar ile örtmek, mesüliyetni devletniñ siyasiy elitadan adiy ”halqqa” yüklemek bir adettir. 2014 senesi ”referendum” sekilinde arbiy ameliyat keçirilgenini ve Ukrainağa ait Qırım toprağı işğal etilgenini kördik.

RF prezidentiniñ akimiyetini devam ettirmek maqsadınen 2020 senesi oraq ayınıñ 1-nece Rusiye Federatsiyasınıñ Esas qanunına deñişmeler kirsetüv aqqında Umumrusiye rey berüvi devam etti. Rey berüvden evel de Kremlge kerekli netice belli olğanına baqmadan, bir afta devamında, 2020 senesi ilk ayınıñ 25-nece, Rusiye vatandaşları saylav bölüklerinde, azbarlarda, arabalarda, Rusiye vesiqalarınen ve sovet deviri pasportlarınen reylerini berdi.

Amma biz RF Esas qanunını qorçalav meselesini Rusiye vatandaşlarına bıraqıp, Umumrusiye rey berüvde vaqtınca işğal etilgen Qırım yarımadasınıñ esapqa alınmasına diqqat celp etmege isteymiz. Ukrainanıñ vaqtınca işğal etilgen Qırım Muhtar Cumhuriyetinde ve Aqyar şeerinde işğalci devlet tarafından RF Esas qanunına deñişmeler kirsetüv içün rey berüvniñ keçirilüvi halqara uquq noqtayi-nazarından qanunsız arekettir, çünki Qırım MC ve Aqyar şeeri Ukrainanıñ ayırılmaz parçalarıdır ve olar üzerinde işğalciniñ egemenligi yoqtır.

Ukrainanıñ vaqtınca işğal etilgen topraqlarında keçirilgen rey berüvniñ ”neticeleri” ne de Ukraina tarafından, ne de halqara cemiyet tarafından tanılır. RF Esas qanunında, RF topraqlarını qısmet mısadere etüvge ve böyle areketlerge çağıruvlarğa ruhset berlilmegenine dair deñişmelerniñ pekitilmesi vaqtınca işğal etilgen Qırımğa ve Aqyar şeerine uquqiy ceetten tesir etmey, çünki olar RF-nıñ degil de, Ukraina topraqlarınıñ ayırılmaz parçalarıdır. Halqara uquq, onıñ esas şartları, BM Nizamnamesi ceetinden Qırım MC ve Aqyar şeeri Rusiye Federatsiyasına ait degiller, böyleliknen, bu topraqlarnı RF terkibine sözde ”kirsetüv” qanunsızdır ve iç bir türlü adliy neticelerge ketirmey”, – dep izaatlay Ukraina Prezidentiniñ Qırım MC-deki Daimiy Temsilcisi Anton Korınevıç.

Hatırlatamız ki, BM Baş Assambleyası 2014 senesi saban ayınıñ 27-de qabul etken ”Ukraina topraq bütünligi” serlevalı 68/262 qararında bütün devletlerni, halqara teşkilâtlarnı ve mahsus müessiselerni 2014 senesi saban ayınıñ 16-da keçirilgen sözde ”referendum” esasında Qırım Muhtar Cumhuriyetiniñ ve Aqyar şeeriniñ mevamları ile bağlı iç bir türlü deñişmelerni tanımamağa, ve işbu mevamnı tanuv olaraq körünecek bir de bir areketlerden ya da adımlardan vazgeçmege çağırdı.