Bu añlaşmanı imzalamaq içün mıtlaqa memuriy sıñırnı keçip Herson vilâyetindeki hastahaneni ziyaret etmek mecbur degilsiñiz. Telefon vastasınen bağlanıp, aileviy ekimiñizniñ kontaktlarını alğan soñ, onınen añlaşmañıznıñ onlayn şekilde imzalanması yeterlidir.

Al-azırda böyle hızmetler yalıñız Herson vilâyetinde berile bile, amma akimiyet organları vaqtınca işğal etilgen topraqlarda yaşağan vatandaşlarımız içün onlayn şekilde berilgen hızmetlerge irişim meselesiniñ çezilmesi oğrunda çalışmağa devam eteler.

Qırım sakinleri içün Herson vilâyeti devlet memuriyetiniñ tıbbiy hızmetler meseleleri boyunca sıcaq ağı: +38 099 3509728 (Viber, Telegram, WhatsApp). İşbu telefon nomerası vastasınen mesleat alıp, aileviy ekimiñizniñ kontaktlarını ala bilirsiñiz.

Bundan ğayrı, Ukrainanıñ nezareti altında bulunğan topraqlarğa kelgen soñ, aşağıdaki sağlıq saqlav müessiselerge daima muracaat ete bilesiñiz:

• Aile ekimligi saasında umumiy faaliyet köstergen ”Birinci basamaq tıbbiy-sanitar yardımını bergen Geniçesk merkezi” (Çonğar köyü);
• Preobrajenka köyündeki Aile ekimligi saasında umumiy faaliyet köstergen ”Birinci basamaq tıbbiy-sanitar yardımını bergen Qalançaq merkezi”: +38 05530 37291

Maskalar taqıñız, içtimaiy mesafege riayet etiñiz, sağlığıñıznı qorçalañız!

Ukraina Prezidentiniñ Qırım MC-deki Temsilciligi adından vaqtınca işğal etilgen Qırım yarımadasında yaşağan vatandaşlarımızğa ve memleket içinde avuşqan şahıslarğa kösterilgen yardım içün Herson vilâyeti devlet memuriyetine minnetdarlığımıznı bildiremiz.