Er yıl, mayısnıñ üçünci cumaaqşamı Ukrayinada Vışıvanka künü qayd etile. Onı 2006 senesi Çernivtsi universitetiniñ studentleri başlattı.

Aynı zamanda, 2014 senesinden berli rusiyeniñ yañıdan yazmağa ve silmege tırışqan tamırlar ve tarih aqqında hatırlatqan bir kündir. Tam miqyaslı istilâdan soñ vıshıvanka küreşniñ timsali oldı, bu kün ise çetelde ukrayin cemaatları arasında populâr oldı.

Qırımnıñ zengin ananeleri de bar. 2014 senesine qadar er yıl yarımada Vışıvanka Kününiñ müitine dala edi – anda sergiler, fleşmoblar ve ukrayin medeniyeti etrafında insanlarnı birleştirgen çeşit türlü aktsiyalar keçirile edi.

Ukrayin nağışınıñ meşur sanatçısı – Vira Roik tedi. O, Poltava vilâyetinde doğdı, 1952 senesinden başlap öz ayatını Qırım ile bağladı, mında ukrayin nağış sanatını faal sürette inkişaf ettirdi ve populârlaştırdı. Roik taqımlar qurdı, Aqmescit mekteplerinde dersler berdi, halqara sergilerde iştirak etti, ukrayin ananelerini dünya meydanında pekitti. Daa soñra o, Qırımda Ukrayin nağışı mektebini qurdı. Onıñ ustalığı unikal edi – o, dünya halqlarınıñ 300-ge yaqın nağış tehnikasını bile edi.

Aynı zamanda Qırımnıñ unikal qırımtatar örnegi bar. Bu, tek bir resim degil, halqnıñ medeniy hatırasını ve farqlı etnik gruppalarnen genetik bağlarını aks ettirgen bir timsaller sistemasıdır. Onıñ elementleriniñ birleşmesi, bütün ikâyeni ifade etken mahsus bir kompozitsiyanı şekillendire.

2021 senesi Örnek resmiy olaraq UNESCOnıñ maddiy olmağan miras cedveline kirsetildi. Bu, qırımtatar halqınıñ kimligini rusiye medeniy zaptından qorçalamaq içün müim bir unsur oldı. Ukrayin vışıvankası kibi, Örnek er künlik ayatnıñ ayırılmaz bir parçasıdır: o, urba, urba eşyaları ve mücevherlerni yaraştırır, onıñ qaydeleri ise nesilden nesilge keçe.

Bugünde-bugün vışıvanka tek ananeviy urbanıñ bir parçası degil, özgünlikniñ ve zıddiyetniñ timsali ola. O, dünyanıñ çeşit köşelerindeki ukrayinlerni birleştire, ortaq tamırlar ve yoq etilmesi imkânsız olğan medeniyetniñ quveti aqqında hatırlata.