2025 senesi iyülniñ 15-nde Ukraina Nazirler Kabineti Ukrainanıñ vaqtınca işğal etilgen territoriyasında alınğan tasil neticeleriniñ tanılması Tartibini tasdıqlağan №871 qararını qabul etti. O, Ukraina Tasil aqqında qanunınıñ 401 maddesine köre, ihtisasiy, ihtisasiy yüksek ve aliy tasilnen bağlıdır.
Yañı Tüzüm neni nazarda tuta?
- Ukrainliler, çetel vatandaşları ve Ukrainada qanuniy şekilde bulunğan vatandaşlığı olmağan şahıslar içün açıq ve irişilebilir bir protsedura belgilendi.
- Protsedura istekke bağlı, şeffaf ve obyektiv.
- Tanıluv içün kerekli vesiqalar:
– ariza;
– tasil beyannamesi;
– başqa vesiqalar (Tertipke köre) – vekâletli tasil yurtuna berilecek. - Bilgilerni mahsus komissiya intervyu ya da diger şekilde qıymetlendire.
- Şahsiyetniñ tasdıqlanuvı ile (elektron identifikatsiya) em yüz-yüzge, em de uzaqtan teşkerüv imkânı bar.
- Oquv neticeleri tanılmağan ihtisaslar cedveli belgilendi (şu cümleden: telükesizlik, uquq, arbiy ilimler, jurnalistika, tasil, dinşınaslıq – tolu cedvel qarar ilâvesinde).
- Qıymetlendirüvden soñ komissiya böyle qararlar ala bile:
– qısqartılğan oquv müddeti,
– ihtisas ya da derece berilmesi,
– kiriş içün tevsiye. - Er bir tasil seviyesine köre birinci protseduranı keçüvi devlet tarafından bedava temin etile (yalıñız tek bir tasil programması içün).
Kimler içün?
Vaqtınca işğal şaraitind tasil alğan ve Ukraina tasil sistemasına integratsiya olmaq istegen er kes içün.
Temsilcilik bu ketişatta nasıl iştirak etti?
Temsilcilik işğal etilgen topraqları sakinleriniñ menfaatları diqqatqa alınması içün protseduranıñ uzaqtan keçirilebilmesi içün tekliflerde bulunıp, vesiqanıñ işlep çıqarılmasında müim yer aldı.
Qararnıñ qabul etilmesi işğal etilgen topraqlardan Ukraina vatandaşlarınıñ tasil reintegratsiyası ve tasil aqqınıñ yerine ketirilmesi içün müim adımdır. Ukraina tasil ve ilim nazirligine ve Ukraina Yuqarı Radasınıñ tasil, ilim ve innovatsiya meseleleri boyunca komitetine bu qararnı azırlağanları içün teşekkürler bildiremiz. Qarar metininen tanış olmaq içün: https://surl.li/jygpoa