2018 senesi qural ay (mayıs) 11 künü Temsilcilikteki halqara alâqalar ve uquqiy talil hızmetleriniñ baş mesleatçıları Qırım evinde ‘‘Yer kürresiniñ diger tarafına nezaret altında: Sentsov ve Kölçenkonıñ maküm etilüviniñ ikâyesi’’ filmni seyir ettiler.

Tedbirde Qırımtatar Milliy Meclisiniñ azaları, cemaat teşkilâtlarnıñ vekilleri, faalciler, siyasiy mabuslarnıñ qoranta azaları, dostları ve siyasiy mabuslar ile fikirdeş olğan, olarğa qol tutqan ve lâqayd qalmağan başqa insanlar iştirak etti.

Qural ay 10 künü Kolçenko ve Sentsovnıñ azatlıqtan marum etilüvine 4 yıl toldı. Olarnı terroristik eyleminiñ azırlanuvında qabaatladılar. Kolçenko 10 yıl müddetine, Setsov ise 20 yılğa azatlıqtan marum etildi.

Sentsov ve Kölçenkonı Moskova SİZO-sında tuttılar, mahkeme ceryanı Rostov-na-Donu şeerinde keçti, soñra olarnı nezaret altında Uralğa, tap rusiye Arktikasınace alıp kettiler. Umumen olaraq, olar 20 biñ kilometrge yaqın mesafeni aştılar. Bu seyahatları tek rusiye topraqlarından ve tek apishaneler vastasınen keçti.

Filmde olarnıñ yolundaki esas noqtalar, o yerlerniñ şaraitleri ve bu qaramanlarnıñ taqdirlerinen oğraşqan insanlar aks etildi.

Temsilcilik öz vekâleti çerçivesinde siyasiy mabuslarğa ve olarnıñ qoranta azalarına ertaraflama yardım bermek, olarnıñ insaniy meselelerni çezmek, qıta Ukrainada olarnıñ aq-uquqlarına riayet etmek ve memuriy hızmetlerni bermek içün qolundan kelgenini yapacaqtır.