2017сенеси мартнынъ 24  Херсонда Къырым Мухтар Джумхуриетинде Украина Президентининъ Даимий Векили Наталия Попович Украинада Исвечия Эльчиханесининъ Биринджи Кятипи Давид Эмтестамнен корюшювни кечирди.

Корюшюв кетишатында тарафлар вакътынджа ишгъаль этильген Къырым Мухтар Джумхуриети ве Акъяр шеэри территорияларында вазиетнинъ инкишафы акъкъында музакере эттилер.

Энъ эвеля, субетдешлер, Къырымда яшагъан инсанларнынъ акъ – укъукълары мунтазам алда бозулувынен , айрыджа, русие граждан – лыгъы меджбурий алда къабул этилювинен, эм ишгъаль акимиетининъ арекетлери демократия эсасларынынъ кесен – кес ёкъ олувына алып барувынен багълы суаллери астында дикъкъатларыны джельп эттилер.

Бундан гъайры, корюшюв вакътында, тарафлар ички юрьме шахысларнынъ укъукъларыны къорчалав меселеси боюнджа къонуштылар.

Наталья Попович,  вакътынджа ишгъаль этильген территорияларындан чыкъып, Украинанынъ къыта  къысымында ерлешкен  ватан – дашларнынъ укъукъ ве азатлыкълары риает этильмеси Векялетхане тарафындан даима незарет олунгъаныны бильдирди, эм де Давид Эмтестамны,  якъында украин Парламентинен къабул этильген, ички юрьме шахысларнынъ акъ ве уриетлерини къорчалав дереджесининъ юксельмесине чагъыргъан, къанун лейхасы акъкъында хабердар этти.

Къырым Мухтар Джумхуриетинде Украина Президентининъ Даимий Векили  Исвечиянынъ Украина топракъ бутюнлигине, сербест ве мустакъиллигине  джесюр алда къол тутувынынъ эмиетини къайд этти ве исвечия тарафына Украинагъа косьтерген дестек ве ярдым ичюн тешеккюрлер бильдирип, бу акъикъий ортакълыкънынъ исбаты олгъаныны тасдикълады.