2019 senesi oraq (iyül) ayı 17 künü Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç Herson vilâyetinde eki künlik ziyareti ile bulunğan Yunanistan Cumhuriyetiniñ Odesadaki Baş konsulı Aleksios Marios Liberopulüs ile körüşti.

Anton Korınevıç eyetni selâmlar eken, Ukrainanıñ egemenligine ve topraq bütünligine daimiy şekilde qol tutqan Yunanistanğa yüksek qıymet kesti ve Rusiye tecavüziniñ aqibetlerini aşmağa yardım etkeni ve halqara saada qol tutqanı içün Yunanistan Cumhuriyetiniñ vekillerine mnnetdarlığını bildirdi.

Körüşüv iştirakçileri vaqtınca işğal etilgen Qırımdaki vaziyetke, ilk nevbette raatsızlağan ve halqara cemaat tarafından qol tutuvğa muhtac olğan meselelerge esas diqqatlarını ayırdılar.

Daimiy Temsilci bütün devlet akimiyeti organları, cemaat teşkilâtları ile işbirlikte çalışıp, Ukraina qıtasında yaşağan qırımlılarnıñ ayat şartlarını qolaylaştırmağa ve vaqtınca işğal etilgen Qırımda işğalci akimiyetniñ areketlerine mütenasip şekilde cevap bermege tırışqan Temsilcilikniñ esas yönelişleri ile tanış etti.

Bundan ğayrı, devlet başlığı keçenlerde ”Çonğar” KÇNN-na ziyareti munasebetinen, memuriy sıñırdan keçüvni qolaylaştıruv, bu cümleden, piyade yolaqlarını abadanlanlaştıruv, yarıqlama, suv ile temin etüv, saçaqlarnı quruv, raatlıq yerlerni teşkil etüv kibi gumanitar ceetten ilk nevbetteki vazifeler de muzakere etildi.

Körüşüvniñ soñunda taraflar bir-birine ürmet ve kelecekte işbirlikke azırlıqlarını bildirdiler.