2018 senesi ilk yaz ayı (iyün) 13 künü Temsilcilikte halqara alâqalar hızmetiniñ hadimleri Kıyiv şeerinde devlet organları ve cemaat teşkilâtları vekilleriniñ iştiragi ile Insan aqları boyunca BMT Közetüv missiyası tarafından keçirilgen zorbalıq neticesinde ve gönülli olmağan ğayıp oluvlar boyunca BMT İş gruppasınıñ muzakeresinde iştirak ettiler.
Oturış devamında vaqtınca işğal etilgen Qırımda şahıslarnıñ zorbalıq neticesinde ğayıp oluvnıñ şaraitlerini, ğayıp oluv adiselerni tedqiq etmek ve qabaatlı şahıslarnı mesüliyetke çekmek içün devlet tarafından yapılğan areketlerni, zorbalıq neticesinde ğayıp oluv qurbanlarınıñ ve olarnıñ horanta azalarınıñ semereli uquqiy qorçalav aqqını, ve zarar körgen şahıslarnıñ adaletli makeme aqqını muzakere ettiler.
Ayrıca ‘‘qırım diversantları’’, Emir-Üseyin Kuku, Reşat Ametov ve diger Kremlniñ siyasiy mabuslarnıñ meseleleri, rusiye askerleri tarafından hırsızlanğan balıqçılar meselesi qayd etildi. Zorbalıq neticesinde ğayıp oluvlar boyunca BMT Komiteti tarafindan şahıslarnıñ Ukrainağa qarşı şikâyetlerini ve iştirakçi devletler tarafından 2015 senesi imzalanğan Halqara konventsiyanıñ bozuluvı boyunca şikâyetlerini baqmaq aqqını tanıp, Ukraina 2015 senesi arman ayı 14 künü bütün şahıslarnı zorbalıq neticesinde ğayıp oluvlardan qorçalav aqqında halqara Konventsiyağa qoşuldı. Aynı vaqıtta bu Halqara konventsiyağa Qırımda riayet etüv meselesi peyda oldı. Çünki RF tarafından qanunsız şekilde işğal etilgen Qırım al-azırda Ukrainaniñ nezareti altında bulunmasa da, yarımadada konventsiyada iştirak etken devet Ukrainanıñ adliye aqları üküm sürmekte. Onıñ içün Temsilcilik uquq qorçalav ve başqa organlarnıñ kerekli sevieyede işbirligini temin etmek ve Qırımda Ukrainanıñ zorbalıq neticesinde ğayıp oluv meseleleri boyunca halqara añlaşmaları ile belgilengen mecburiyetlerini yerine ketirmek, şahıslarnıñ qayıp oluvında qabaatlı şahıslarnı tapıp, mesüliyetke çekmek ve ğayıp oluvlarnı tedqiq etmek içün qolundan kelgenini yapacaqtır.
Temsilcilik İş gruppasına mütenasip malümat paylaşuvınen yardım etmege azır ve yarımadada kelecekte zorbalıq neticesinde ve gönülli olmağan ğayıp oluvlarnıñ kerçek seviyesini belgilemek maqsadınen İş gruppasınıñ azaları tarafından Ukrainanıñ bir qısımı olaraq Qırımnı ziyaret etmek teklifine qol tuta.
Aynı vaqıtta RF tarafından vaqtınca işğal etilgen Qırımda IV Jeneva konventsiyası boyunca öz mesuliyetlerini yerine ketirüv ve bizim milliy qanuniyetimizniñ bir qısmı olaraq 2015 senesi imzalanğan Halqara konventsiyağa riayet etüv meselesi peyda ola. Rusiye tarafından imzalanmağan 2015 senesi Halqara konventsiyasına riayet etüv Zorbalıq neticesinde ve gönülli olmağan ğayıp oluvlar boyunca BMT İş gruppasında, qıynavlar boyunca BMT Komitetinde ve insan aqları boyunca BMT Şurasında muzakere etile bilir.
İş gruppasınıñ vekâletleri RF-nıñ 2015 senesi Halqara konventsiyağa qoşulıp-qoşulmağanına bağlı olmağanı içün, bu gruppa Qırımda zorbalıq neticesinde ğayıp oluv qurbanlarını ve olarnıñ qorantalarını qorçalamaq içün muim teşkilât ola bilir.