Keçken seneniñ ilk qış ayında Halqara ceza mahkemesiniñ prokuror Ofisi Ukrainadaki vaziyetniñ evelden ögrenilmesini bitirgeni aqqında qarar çıqarğanını bildirdi. Böyleliknen Ukraina adaletke taba daa bir adım yaptı. Rusiye Roma nizamnamesi altındaki imzasını keri alğanına ve Gaagadaki mahkeme ile işbirlikte bulunmaqnı red etkenine baqmadan, RF vatandaşları Ukraina topraqlarında işlegen cinayetleri içün mesüliyetke çekile bilir.

”Halqara ceza mahkemesiniñ prokuror Ofisi Rusiyeniñ Ukrainadaki vaziyetke alâqası bar olğanını añladı. Bilhassa prokurornıñ soñki esabatında yarımadanı öz nezareti altına keçirmekni maqsad etip qoyğan Rusiye Federatsiyası arbiyleri 2014 senesiniñ kiçik ayında Qırımda yüz bergen adiselerde iştirak etkenleri doğrudan-doğru añıla. Bundan ğayrı, Rusiye Federatsiyası 2014 senesi saban ayınıñ 18-den başlap, Qırımnı idare etkeni dayd etile.
Qırım işğali çerçivesinde işlengenleri isbatlanğan cinayetler arasında aselet yapılğan öldürülvler, qıynavlar, azatlıqtan marum etüv, zorbalıqnen duşman devletiniñ ordusında hızmet ettirüv, adaletli mahkeme aqqından marum etüv, işğal etilgen topraqlarda yaşağan ealiniñ bir qısımını işbu topraqlarnıñ sıñırlarından tış yerlerge avuştıruv ve daa başqa cinayetler qayd etile”, – dep izaatladı Volodımır Çentsov.

İlk kere Ukraina Gaagadaki Halqara ceza mahkemesine (HCM) 2014 senesi muracaat etken edi. 7 yıllıq silâlı istilâ, Rusiyeniñ toqtamaycağını isbatladı. Ukraina içün HCM, Ukraina topraqlarında işlengen arbiy cinayetlerinde qabaatlı olğan şahıslarnı cezalamaq ve mesüliyetke çekmek imkâniyetidir, çünki bu müessise, soyqırım, insaniyetke qarşı cinayetler, tecavüz cinayetleri ve arbiy cinayetler kibi areketlerde qabaatlı şahıslarnı mahkeme yolunen taqip ete bilgen yekâne halqara ceza mahkemesidir.

Felemenk devletindeki Ukraina Elçisi Vsevolod Çentsov Ukrainanıñ Halqara ceza mahkemesi ile işbirligi aqqında UKRİNFORM  haber agentligine bergen intervyüsiniñ tolu metinini bu yerde oqumağa mümkün: https://bit.ly/3aYdUyh