2018 senesi çiçek ayı (aprel) 20 künü Ukraina Prezidentiniñ Qırım MC Daimiy Temsilcisiniñ Birinci muavini İzet Gdanov Ukraina Devlet migratsiya hızmetiniñ Başlığı Maksim Sokolyük ile Herson şeerinde vatandaşlarğa hızmet etken ‘‘Pasport hızmeti’’ merkezinde eñ yaqın zamanda qoşma iş yerlerini yaratuv meselesini muzakere etti.
Devlet idareleri arasında işbirlikniñ ve añlaşmalarınıñ muim adımı – vatandaşlarğa hızmet etken ‘‘Dokument’’ Devlet müessisesiniñ yañılanqan, zemaneviyşken, keñleşken ‘‘Pasport hızmeti’’ merkeziniñ Herson şeeri, Uşakov caddesi, 53 adresi boyunca 2018 senesi quralay (mayıs) ayı 30 kününe planlaştırılğan açıluvıdır.
Bu munasebet ile Ukraina Prezidentiniñ Qırım MC Daimiy Temsilcisi Borıs Babin, Ukraina Prezidentiniñ Qırım MC Daimiy Temsilcisiniñ Birinci muavini İzet Gdanov 2018 senesi çiçek ayı (aprel) 20 künü «Dokument» Devlet Müessisesiniñ vatandaşlarğa hızmet etken bölüginiñ başlığı Sergiy Gutnik ile iş muşaveresini keçirdiler.
Qırımdan kelip ketken Ukraina vatandaşlarına eñ güzel şekilde hızmet etmek ve müessiseniñ imkânlarını keñişletmek maqsadınen 15 yañı açılğan iş yeri vesaqalarnı qabul etecek ve daa 4 – azır Ukraina vatandaşı pasportlarnı taqdim etecektir. Merkez künde 450-ge qadar çeşit türlü memuriy hızmetlerni berip olacaq. Şunı de qayd etmek kerek ki, Temsilcilikniñ Ukraina Devlet migratsiya hızmeti ile beraberlikte vatandaşlarğa hızmetlerni avropa standartlarına yaqınlaştıruv oğrunda areketleri yalıñız Herson vilâyetiniñ sakinlerine degil de, Ukrainanıñ vaqtıca işğal etilgen Qırım toprağında yaşağan vatandaşlarğa da yeterli derecede memuriy hızmetlerni bermege imkân yarata.
Muşavere devamında Sergiy Gutnik Ukrainanıñ vaqtınca işğal etilgen Qırım topraqlarında yaşağan vatandaşlarğa «Dokument» Devlet Müessisesi 2018 senesi quralay 30 kününden başlap imkânlarını keñişletecegini haber etmege Temsilcilikke rica etti. Bunıñ ile beraber, o, nezaret noqtalarından Memuriy hızmet merkezlerine ve qarşı tarafqa qanuniy ve daimiy naqliyatnı teşkil etmege kerek olğanını qayd etti.
Muşavereniñ neticesi olaraq, Ukrainanıñ vaqtınca işğal etilgen Qırım topraqlarında yaşağan, ya da memleket içinde mecburen köçken vatandaşlarğa keyfiyetli memuriy hızmetlerniñ berilüvi saasında «Dokument» Devlet Müessisesi ve Temsilcilik arasında kelecekte işbirlikniñ şekili belgilendi.