Ukrayina Prezidenti Volodımır Zelenskıy yanvarniñ 19-dan 23-ne qadar Davos şeerinde olıp keçken Dünya iqtisadiy forumında çıqışta bulundı. Öz çıqışında o, Avropada telükesizlik meselelerini çezmek içün halqara cemiyetni celp etmekniñ müimligini, qaidelerge esaslanğan halqara tertipniñ saqlanması ve tecavuznıñ qarşısında areketsiz qalmaqnıñ aqibetleriniñ diqqatqa alınması kerekligini qayd etti.

Bundan da ğayrı, Prezident öz çıqışında şularnı qayd etti:

“Eger Rusiye cenk gemileri Grenlandiya etrafında raat-raat dolaşıp olsa, Ukrayina yardım ete bile. Bu gemilerinden iç birisi anda olmaması içün bizde em ekspertiza, em de silâ bar. Olarnı Qırımda olğanı kibi, Grenlandiyada batırmaq mümkün. Mında bir problem yoq. Bizde em aletler, em de adamlar bar. Bizim içün deñiz birinci mudafaa safı degil, onıñ içün biz çare körip, anda nasıl cenkleşmege bilemiz. Eger bizge muracaat etse ediler ve Ukrayina NATO-da olsa edi, – amma biz anda degilmiz – biz rus gemileri ile bu meseleni çezer edik.”

Ukrayina rusiye flotuna qarşı turmağa qabiliyeti olğanını, hususan, Qara deñizde müim muvafaqiyetlerge irişkenini, bunıñ neticesinde rusiye Ukrayina Silâlı Quvetleri tarafından keçirilgen, şu cümleden yüksek keyfiyetli ğarbiy silalar yardımınen kerçekleştirilgen bir sıra muvafaqiyetli arbiy areketlerden soñ ruisye öz flotını kerçekten de aman-aman tamamınen çıqarmağa mecbur qalğanını bildirgen edi.

Bundan da ğayrı, Davos şeerinde keçirilgen Dünya iqtisadiy forumnıñ mahsus toplaşuvında Volodımır Zelenskıy Avropanı cermay ihracını toqtatmaq ve rusiyeni cenk alıp barmaq içün paradan marum etmek içün rusiyeniñ kölge flotuna qarşı sanktsiyalarnı quvetleştirmege çağırdı.