2018 senesi boş ay (noyabr) 12 künü Ukraina Prezidenti Petro Poroşenkonıñ yolbaşçılığında Kıyiv şeerinde Regional inkişaf Şurasınıñ VII oturışı olıp keçti. Tedbirde Ukraina Prezidentiniñ Qırım MC Daimiy Temsilcisi Borıs Babin da iştirak etti.

Tedbir esnasında Petro Poroşenko Ukraina Arbiy Küçleri general-mayorı, İvan Bogun adına Kıyiv arbiy litseyiniñ müdiri, Ukraina qaramanı İgor Gordiyçuknı doğğan künü ile hayırlap, vaqtınca işğal etilgen Donetsk ile Lugansk vilâyetleri ve qanunsız şekilde ilhaq etilgen Qırım ukrain ordusı vastasınen azat etileceklerini qayd etti. Ukraina Prezidenti öz çıqışında RF ve işğal etilgen Qırım apishanelerinde bulunğan siyasiy mabuslarnı añdı, vaqtınca işğal etilgen Qırımğa yaqın olğan Herson vilâyeti diqqatqa lâyıq olğanını qayd etti.