Bugün Ukraina Prezidenti Ofisiniñ matbuat merkezinde Ukraina topraqlarındaki silâlı dava şaraitlerinde insan aqlarını qorçalav mevzusında devlet siyasetini teşkil etüv ile davanıñ aqibetlerini aşuvğa dair cemiyetniñ fikirlerini añlamaq niyetinen ”Ukraina ealisiniñ Ukraina topraqlarındaki silâlı dava aqqında fikirleri ve baqışları” mevzusında keçirilgen omnibusnıñ neticeleri taqdim etildi.

”Bu tedqiqat dünyada ”transitional justice” olaraq belli olğan keçici devirdeki adaletniñ siyasetini ve yanaşmalarını Ukrainada amelge keçirüv ceetinden Ukraina Prezidentiniñ Qırım Muhtar Cumhuriyetindeki Temsilciligi ile Uquqiy islâat meseleleri boyunca Komissiyanıñ vaqtınca işğal etilgen topraqlarnı ğayrıdan integratsiya etüv boyunca iş gruppasınıñ faaliyetlerinde müim röl oynamaqtadır. Bu, silâlı dava vaziyetinde bulunıp, silâlı davadan barışıqqa keçken er bir memleket ögünde turğan müim yoldır. Al-azırda menim reberligimdeki Uquqiy islâat meseleleri boyunca Komissiyanıñ vaqtınca işğal etilgen topraqlarnı ğayrıdan integratsiya etüv boyunca iş gruppası Ukraina Prezidenti Ofisine mütenasip siyasetniñ kontseptsiyasını teslim etti, onıñ metini işlenmektedir. Böyle siyasetniñ yalıñız mütehassıslar müiti tarafından degil de, aynı vaqıtta yaşağan yerlerine baqmadan Ukraina vatandaşları tarafından qol tutulıp-tutulmağanını bilmek bizim içün pek müimdir. Tedqiqatnıñ neticeleri bizim doğru yolda olğanımıznı açıq-açıq-aydın köstermektedir.
Keçici devirdeki adalet, şübesiz ki, yalıñız adalet ve yalıñız mahkeme ile bağlı degildir. Onıñ siyaseti, eñ ağır cinayetlerde qabaatlı olğan şahıslarnı mesüliyetke çeküv; qurbanlanlarğa körgen zararlarını iade etüv; dava esnasında yüz bergen bozuluvlarnı taqiq etüv, aqiqatnı belgilev ceryanı; böyle bozuluvlarnıñ tekrarlanmaycağını kefil etken islâatlarnı keçirüv ceryanı kibi dört müim qısımdan ibarettir”, – dep izaatladı taqdim etüv esnasında Ukraina Prezidentiniñ Qırım MC-deki Daimiy Temsilcisi Anton Korınevıç. 

Tedqiqatnıñ neticeleri bu yerdedir:https://cutt.ly/nz9Jg0p

Tedqiqat 2020 senesi boş aynıñ 24-den başlap, ilk qış ayınıñ 17-nece Kıyiv halqara institutı tarafından CATİ (computer-assisted telephone interviews -biligisayarnı qullanıp keçirilgen telefon intervyuları) usulı vastasınen tesadüfiy şekilde seçilgen telefon nomeraları esasında keçirildi. Soravda çağına yetken (yaşları 18-den büyük olğan) Ukraina vatandaşları iştirak etti.

Tedqiqat Uquqiy islâat meseleleri boyunca Komissiyanıñ vaqtınca işğal etilgen topraqlarnı ğayrıdan integratsiya etüv boyunca iş gruppası ile işbirlikte Ukraina topraqlarındaki silâlı dava şaraitlerinde insan aqlarını qorçalav mevzusında devlet siyasetini teşkil etüv ile davanıñ aqibetlerini aşuvğa dair cemiyetniñ fikirlerini añlamaq niyetinen keçirile.

UNDP Ukraine /  BM teşkilâtınıñ Ukrainadaki İnkişaf Programması ZMINA. İnsan aqları merkezi   #PPUgovUA