Bu meselede sizge Ukraina migratsiya hızmetiniñ yañı ”çat-bot” onlayn-hızmeti yardım eter. Hızmet meşur Telegram ve Viber haberci vastalarında çalışmaqta.

Sual-cevap şekilide Devlet migratsiya hızmeti tarafından berilgen bütün biometrik vesiqalarınıñ, yani İD-kartlarınıñ, tışqı pasportlarnıñ ve yabancılar ile vatandaşlığı olmağan şahıslar içün vaqtınca yaşayış ruhsetiniñ resmiyleştirilüvi aqqında malümat almağa mümkün.

Çat-bot sizden vesiqanıñ resmiyleştirilüvi boyunca şahsiy şartlar aqqında bir qaç sual sorap, migratsiya hızmetinde ya da Memuriy hızmet merkezinde resmiyleştirüv içün mıtlaqa kerek olacaq vesiqalar aqqında haberdar eter.

Bundan da ğayrı, vatandaşqa berecek idarege kelmesine qadar vesiqanıñ bütün adımları aqqında habercide malümat almağa mümkün.

Çat-botnı habercide doğru bağlantı vastasınen tapıp, ya da QR-kodnı smartfon kamerası yardımınen skan yapıp yüklemege mümkün.

DMH çat-botlarına doğru bağlantılar:

Viber://pa/info?uri=smsua

Telegram https://t.me/DMSU_service_bot

Bu hızmetlernen qullanuv vatandaşlar içün bedavadır.