2025 senesi iyülniñ 31-nde gecesi rusiyeniñ Kıyivge ücümi neticesinde İslâm medeniyet merkezi ve cami büyük zarar kördi. Ukraina “Umma” musulmanları diniy idaresiniñ müftisi Murat Suleymanovnıñ aytqanına köre, cami binasınıñ bütün pencereleri ve qapıları qırıldı. Kompleksniñ territoriyasında Ukraina musulmanları kongressiniñ ofisi ve gimnaziya yerleşken, olar da büyük zarar körgenler. İslâm medeniyet merkezi Ukraina musulmanları, şu cümleden qırımtatar cemiyetleri içün müim maneviy merkez ola.

Murat Suleymanovnıñ bildirgenine köre, raketa camiden tahminen 50 metr uzaqlıqta tüşti, onıñ parçaları binanıñ zarar körmesine sebep oldı. Al-azırda yerli musulman cemiyeti zarar körgen binalarnıñ ğayrıdan tiklenilmesinde faal iştirak ete ve ücümniñ aqibetlerini toplamaq içün birdemlik ve birlikni numayış eteler.

Rusiyeniñ Kıyivge ücümi neticesinde mesken evler yıqıldı, 80-den ziyade insan zarar kördi, şu cümleden balalar, elâk olğanlar bar. Bundan da ğayrı, Dnipropetrovsk, Poltava, Sumı, Mikolayiv, Kıyiv vilâyetleri zarar kördi.

Bu istilâ aktı rusiyeniñ daa bir arbiy cinayetidir. Mesken evlerge, diniy ve medeniy binalarğa ücümler – ealini qorquzmaq içün yapılğan daa bir terror areketidir.

Foto: Murat Suleymanov